राष्ट्रवादीचे मा. नगरसेवक वनराज आंदेकर यांच्यावर गोळीबार; गंभीर जखमी आंदेकरांचे निधन
पुण्यातील राष्ट्रवादीचे मा. नगरसेवक वनराज आंदेकर यांच्यावर गणेश पेठ भागात गोळीबार झाल्याची घटना घडली आहे. या गोळीबारानंतर गंभीर जखमी झालेल्या यांना केईएम रुग्णालयात दाखल करण्यात आले होते. उपचारादरम्यान त्यांचे निधन झाले आहे.
Editor 
राष्ट्रवादीचे मा. नगरसेवक वनराज आंदेकर यांच्यावर गोळीबार; गंभीर जखमी आंदेकरांचे निधन
पुण्यातील राष्ट्रवादीचे मा. नगरसेवक वनराज आंदेकर यांच्यावर गणेश पेठ भागात गोळीबार झाल्याची घटना घडली आहे. या गोळीबारानंतर गंभीर जखमी झालेल्या यांना केईएम रुग्णालयात दाखल करण्यात आले होते. उपचारादरम्यान त्यांचे निधन झाले आहे.
वनराज आंदेकर हे नाना पेठ याच परिसरात राहतात. ते याठिकाणी थांबले असताना दबा धरून बसलेल्या हल्लेखोरांनी त्यांच्यावर ५-६ गोळ्या झाडल्या तसेच त्यांच्यावर कोयत्याने देखील वार करण्यात आले. रात्री ९:३० च्या सुमारास ही घटना घडली. रक्ताच्या थारोळ्यात पडलेल्या वनराज यांना त्वरित केईएम रुग्णालयात नेण्यात आले होते. गंभीर जखमी झाल्याने त्यांचा उपचारादरम्यान मृत्यू झाला.
वनराज आंदेकर हे माजी दिवंगत नगरसेवक उदयकांत आंदेकर यांचे पुतणे होते. २०१७ साली ते राष्ट्रवादीच्या तिकिटावर नगरसेवक म्हणून निवडून आले होते.
दरम्यान पोलिस चौकीपासून अवघ्या १० मी अंतरावर ही घटना घडल्याने शहरात खळबळ उडाली आहे. या घटनेचे नक्की कारण अजून समजू शकले नसते तरी, कौटुंबिक वादातून ही घटना घडली असल्याची प्राथमिक माहिती आहे.
